In caducum parietem non inclinandum.
ARcanas procerum technas, & principis artes,
Juraque regnandi nosse putantur apes:
Floribus hae nitidis, violisque recentibus hęrent,
Languida si qua rosa est, incomitata jacet.
(Sceptra superba labant, sunt & sua funera regnis,
Non homini tantùm stat sua fixa dies.)
Quid tibi cum miseris? foelicia foedera quęre;
Languida, crede mihi, nil rosa mellis habet.