Danielis Heyns II
In emblemata clariss. consvltissimiqve viri D.J. Catzii. J.Cti.
Epigrammation.
VIdit, & ingentem mirata est Itala tellus
Alciatum, tanti mente superba viri:
Seu tonat, & leges facundo edisserit ore,
Seu Themidis dignum numine condit opus.
Hunc quoque ludentem, sed seria, vidit, & illi
De lusu palmam, sed sapiente, dedit.
Alciati curas & seria vicerat antè
CATZIVS: ad lusus nunc & amoena venit.
Hic quoque, sed triplici palmam sermone meretur,
Vt ter sit victor, qui semel ante fuit.