Superba foelicitas.
SVnt humiles animi rebus plerumque sub arctis,
Et rigidos mores fata sinistra fugant:
Res vt lęta redit, mens ebria surgit in altum:
Optima sors homini pessima corda facit.
Anne vides? chalybis mitescit in igne metallum,
Dum fornax rapidis follibus acta gemit:
At faber hunc tollatque foco, mergatque sub vndas;
Maior erit subitò, quam fuit ante, rigor.