Dissidet, qvod impar est.
XLVII.
EXtat apud SAX. GRAMMAT. LIB. 1. Insignis VLVILDAE Danorum regis filiae de impari matrimonio querela, quam meritò hîc adscribo. O miseram me! cujus nobilitatem dispar nexus obtenebrat! O infoelicem cujus stemmati rustica jugatur humilitas! O infaustam matris sobolem cujus munditiem immunditia ruralis attrectat, dignitatem indignitas vulgaris inclinat, ingenuitatem conditio maritalis extenuat, &c. QVAM quidem querelam exitus tragicus subsecutus est prout latius idem auctor prosequitur.