Fvgiendo, non effvgit.
XIIII.
PROPERT. LIB. 1. EL. 30.
QVo fugis ah demens? nulla est fuga, tu licet vsque
Ad Tanaim fugias, vsque sequetur Amor.
Instat semper Amor, supra caput, instat amanti;
Et gravis ipse super libera colla sedet.
SEN.
NEc peregrinatione longâ, nec locorum varietatibus tristitiam mentis gravitatemque discuties: Animum debes mutare non coelum. Licet enim vastum traieceru mare, sequentur te, quocunque perveneris, vitia. Quid miraris nihil tibi peregrinationes prodesse cum te circumferas? motu ipso noces, aegrum enim concutis.