Aula vapor levis est, fumi venduntur in aulâ.
STellio semper hians ventis nutritur, & aurâ;
Colligit è liquido rore cicada cibum:
Ore trahit fumum tabaci, quem naribus efflat,
Nauta, procellosum dum mare lintre secat.
Aula vapore suis alimenta clientibus affert,
O miseros! procerum futilis vmbra, favor.
Aula vale, mihi caula placet, nemorumque recessus;
Cultor ego hîc sanctę rusticitatis ero.