Non labore, sed munificentià Domini.
SAxa solent volucres circumvolitare marinae,
Prędaque dum petitur, non datur vlla quies.
Concha loco non mota, sui non anxia victus,
Nunc bibit, ęquoreum nunc spuit ore salem:
Hanc, dum testa patet, rigido petit improba rostro,
Dumque petit, rostro capta remansit avis.
Quos manus alma Dei beat, hos beat absque labore,
Spontè replet placidos pręda petita sinus.