Spes chymica, vigilantis somnium.
DVm volucrem sequitur, dum spe iam devorat escam,
Dum canis in prędam feruidus ore ruit,
Guttura latrantis, nil tale timentia, fallit,
Seque paludoso gurgite mergit anas:
Ergo miser, prędam studio qui captat inani,
Ora refert solis plena molossus aquis.
Sit canis hîc, fictâ sub imagine, chymicus, hospes,
Spes cui semper adest, res cui semper abest.