Animos nil dirimit.
TActus vt & magnete chalybs (licet assis vtrumque
Separet) ad lapidis vertitur ora sui.
Vt semel affricuit mihi blanda venena Cupido,
Totus ab occulto glutine, Phylli, trahor:
Non mare, non montes, non interualla locorum,
Corpore sejungunt pectora nostra tuo:
Semper amans peregrè est. Mea corda per omnia tecum
Tequè abeunte, abeunt: tequè manente, manent.