Qui vanos pavet metus, veros fatetur.
PRessa suae sub mole domus testudo laborat,
Pulvereamque gravi corpore verrit humum:
Vt videt hanc, fugit, os que tremens post terga reflectit
Simia, nec tutam se putat esse fugâ.
Ad sonitum culicis, motęque ad arundinis vmbram,
Jmpius, & nullo terga premente, fugit:
Conscia mens sceleris formidine tota liquescit,
Tunc quoque, cum pavidi causa timoris abest.