Psalm. 11.9.
Averte oculos meos ne videant vanitatem.
QVi modo liber erat, victis leo servit ocellis:
Quisquis es, a victo lumine, victus eris.
Credite, peccati sunt lumina nostra fenestrę,
Hâc & Avarities, & levis intrat Amor.
Pande fores, subit hostis, & omnia cęde cruentat:
Pande oculos, Satanas cordis in arce furit.
Cura sit, ô, teneri tibi ne capiantur ocelli,
Ni seruum vitijs subdere pectus ames.