Nuda movet lachrimas, vestitam impunè videbis.
SAEpe licet tractata manu, non lędit ocellos,
Dum latus inclusum cortice caepa gerit,
Hanc tenui spoliare togâ si forte iuvabit,
Protinus vda tibi lumina, nuda dabit.
Huc animos adverte, puer, mihi cępa puella est;
Quisquis amare voles, fac reverenter ames.
Ne teneram spectare iuvet, sine veste, Dianam;
Hec dea, nuda magis, quam pharetrata, ferit.