Res immoderata, cupido est.
PRima quidem fuerat dominam tibi cura videndi,
Altera, mox lateri iungere posse latus:
Jstud & illud habes, sed & hoc, tibi lenis amica
Blanditias molles, aptaque verba dedit.
Oscula nunc poscis, det & oscula: nonne petetur
Mox illibatae virginitatis honos?
Et vorat, & properans ruit in nova frusta molossus,
Quodque petat cupidus semper amator habet.