Psalm. 33.
Clamaverunt justi & Dominus exaudivit eos.
INtensis opus est clamoribus, vt sonet Echo;
Dum strepis exiguo murmure, Nympha silet:
Nympha tacet tacitis, sed surgat ad aethera clamor,
Mox responsa tibi, vel geminata, dabit.
Vota quid effundis summis innata labellis?
Ad tepidas cęli non patet Aula preces:
Tende latus clamore, Deus responsa remittet;
Hîc pia mens, Hîc vox feruida, pondus habent.