Amota movetur.
VT tactus magnete fuit (licet assis vtrumque
Separet) in gyrum flectitur vsq́ue chalybs.
Nec Deus est, fateor, nec habet mens conscia numen,
Huic tamen ęthereę portio mentis inest.
Hanc aliquis caecas pro tempore condat in vmbras,
Qui penitùs possit tollere, nullus erit.
Pectora nostra chalybs, divina potentia magnes;
Stare loco nescit mens, agitante Deo.