Hieronymus ad Furiam.
Imitare sanctam matrem tuam, cujus ego quoties recordor, venit in mentem ardor in Christum, pallor ex jejunijs, eleemosynae in pauperes, obsequium in servos Dej, humilitas vestium etc. cordis, atque in cunctis sermo moderatus.
Recordemur viduae Sareptanae, quae & suae & filiorum saluti, Heliae praetulit famem: ut in ipsa nocte moritura cum filio, superstitem hospitem relinqueret: malens vitam perdere quam eleemosynam: & in pugillo farris seminarium sibi messis Dominicae praeparavit.