– Som Brudi ung fyrr Kyrkjeror
i Speglen ser paa Sylgjur, Kruna,
slik Lidi staar og ser sin Bunad
ned i den spegleblanke Fjord.
Og Fuglarne dei syng, so mange,
og Fivreld smaa i Soli blenkjer,
og Lauv og Gras og Blomar skjenkjer
meg av sin aller beste Ange.
Og Barmen dreg i djupe Drag.
Men korkje Ange elder Blomar
min Hug meg med min Lagnad sonar
og gjer' meg fri for Ank og Nag.
Mitt Hjarta bankar tungt i Jag.
Daa kjem ein Gufs ned ifraa Breden
med Bod fraa Fjelle og Fjellfreden
– – eg maa derupp endaa i Dag!