Dei Tonarne strøymer so stille,
ei underleg Soge fortel,
um Ungdom, som leika vilde
og vera paa Jordi sæl.
Um Vaarnætter ljoseblaae,
um sprettande, angande Blom,
um gyllande Morgonrode,
um Lokking og Bjelleljom.
Um Dagar tindrande blanke,
so yverstrøymde av Sol,
um Barnegledur og Jol
og Ungdoms rikaste Tanke.
Um Vaaren, som leivde dei Minne
ein aldri meir utatt riv,
som gjerer, at djupast inne
det greter eins heile Liv. –
Eg høyrer dei Tonarne gjerne
og takkar den Spelemann,
eg finn ikkje Ord for mi Takksemd,
di tek eg han berre i Hand.