Austan or Ôs
vell yver Verdi ein Flaum av Ljos.
Sky-Troll, som Hav-Natti sende,
rømer attende.
Sol yver Sjo!
Myrklynde Havet hev lagt seg til Ro,
mullar og sullar og strøymer,
dormande drøymer.
Glim etter Glim
skyt yver Djupet som Gullfiske-Stim.
Vaknar du snart i din leide,
øydande Vreide?
Sol yver Snjo!
Heila er djupaste Sprungurna no.
Kvite er Svartlendi dekte,
Hytturna tekte.
Vondøygde Kjær
ligg med eit Smil utav Staal-Is og lær.
Smaaborn med raaudleitte Kjakar
staakande akar.
Graabergi staar
lavande kvite som Apal um Vaar.
Solarskins Fuglarne hoppar
kaate paa Toppar.
Hugverken saar
kverv som ei Skodda fyr Soli, som raar.
Eg er i Gjestelag bôden
av Morgonrôden.
Samljod og Sâm!
Skyt eg som Fuglen min graavôrne Hâm.
Vil eg i skinande Gleda
Hugen min klæda!