So er han stroken den staute Guten,
og Soli sokk nedum Svartenuten,
og eg sit eine igjen paa Heid
so tung um Hjartat og stur og leid.
Det er so saart, naar ein Vinen saknar,
at heile Heimen vert graa og blaknar.
Det er so vondt missa burt sin Skatt,
Det er so vondt sitja eine att.
Eg gjekk og stullad med Kvardags-Styret,
so kom han Harald som Eventyret.
Eg lite kjende til Livet fyrr;
men Harald opnad den løynde Dyrr.
Aanei! av Fagnad eg alting gløymde,
og Fysna sælt gjenom Hjartat strøymde,
og store Syn gjenom Hugen dreiv,
og fagre Heimar fyr Ango sveiv.
Daa var her herlegt paa høge Fjellet.
Men Sorgi no inn i Bringa svelle.
Eg kvider mot aa gaa heim inatt.
Aa berre Harald igjen kom att!
Ja kom du atter, eg glad meg gjøymde
innved din Barm og um Sæla drøymde.
Aa sova eine er ‒ visst og sant! ‒
so vondt fyr den, som er betre vant.