Livet det spelar i Blodet
aat Borni, som helde Soll
og staakar utor seg av Gleda
og Fysna paa vide Voll.
Havgula huskar i Hagen.
Slikjands kvart eit Blad
svingar og svagar og tirer
som blinkande Stjernerad.
Kveldsoli kviler paa Aasen,
sender ei gneistrande Elv
av Straalnr og skiftande Fargar,
som yver all Lufti skjelv.
Epli i Hagen er raude,
Plomurne fløyelsblaa.
Alle Trolli er daude,
og Sorgerne langt herifraa.
Aa, kor Engspretturne surrar
‒ spinn seg den Sol-Ull paa Rokk.
Storkaute Hanarne spretter
og gjæl i sin Hønseflokk.
Nei, sjaa den fagre Gjenta!
Visst hit til meg ho log.
Pst! Pst! Kann kje du venta!
Me gjeng oss ein Tur i Skog.
Sudli og dudl! eg vil liva.
Deretter døyr eg vel
og kjem inn i Paradiset,
‒ aaja det skal knipa lel.