Glans! Glans!
Aanei fyr ein Glans!
Heile Laufti
i Solstraale-Dans.
Dekt er med Gull-Skjæl
Himmelens Kvelv,
og heile Havet
af Gnheistar skjelv.
Eg er so sæl for eg liver!
Aldri, aldri
i heile mi Tid
saag eg Vaaren
so smilande blid!
Aldri eg saag
slike grøne Straa,
aldri var Skogen
so frisk aa sjaa.
Eg er so sæl for eg liver!
Og Natti ho folkar seg
no her Nord;
for Dagen han er
hennar Tvilling-Bror.
Her er slik forlivande
Fuglesong!
Eg ser liksom Vaaren
for fyrste Gong.
Eg er so sæl for eg liver!