Ho gamle Mor med bøygde Rygg
og litle Son min leikar.
Dei steller seg, og Hus dei bygg;
men han som Meister reikar.
Og sjelda paa ein Eksermo
ein Kaftein kommanderte so.
Ho sveittar, og ho er paa fart;
for streng er han, som byder.
Og ingen Undermann so snart
og villegt Paabod lyder.
Og sjølvsagt maa det vera so;
for ho er sjautti, han er tvo.
Desutan er ho Kvinna, ho.
Sjaa, det me vel maa hugsa!
Men han er av eit anna To ‒
ein Kar, som snart fær Buksa.
Han læra skal af Bestemor,
at Mannen Herre er paa Jord.