Sellarne sym
i det friske laug.
duvast i Dal
og hevjast paa Haug.
d' er slik ein Gaman i Ferdir
Dei baskar kipne
som Laksar i Elv:
her er kje ein Toke
paa Himmel-Kvelv
og ikkje ein Otte i Verdi.
Men daatteleg nedan or
Dypti sin Heim
lynrappe Skuggar
skyt upp under deim ‒
Kjeftar med Knivsblad til Tenner.
Det skjer gjenom Lufti
eit Skrik eit villt!
Men so med det same
er alt vorte stilt –
ein ser ikkje meir nokon Menner.