Eg saag ein Hest, ein mager ein,
han stend for Plogen ‒ Bisn aa sjaa:
det er nok knapt han evlar gaa:
for han er berre Skinn og Bein.
Men Ola Plogmann lig flein,
han stikk ein Høydott paa ein Tein
og bind den framfor Mulen uraa
so nær, at Hesten mest kan naa.
Den arme Øyken Renn han tok,
so ilt det knast i kvar den Knok.
og Augo stend i Hausen slik,
ein synest ein kan høyra Skrik.
Og hardt han bala, sleit og drog.
so veiten sila, stokk og rann.
og Moldi spruta høgt um Plog;
men aldri naadd'n Dotten, han.
‒ ‒ No er den Hesten daud og duld;
men fagert ligg vaart Aakerland
fraa Dalen radt til Aasens Rand ‒
sjaa, det var berre Dottens Skuld!
Daa denne arme Hest eg saag,
vaart eige Liv framfyr meg laag:
So tok me Renn Gong etter Gong
med harde Tak i Vinna long.
Me saag den yndelege Dott
og brann som Eld i Hug og Traa
‒ var alltid like ved aa naa,
og Lukka log og lova godt.
Me tenkte støtt: No er det ilt,
men snart vaart Liv vert rikt og gildt!
Aa nei, me kunde aldri faa
det som me gav vaar heite Traa.
No kan eg Dotten betre sjaa;
for eg hev fengje Brillor paa
‒ er likesyten um aa naa . . .
det er nok berre visne Straa!
Men lell so bed me. alle Mann.
at Dotten snildt os narra kan ‒
han Krafter legg i Arm og Vit
og Orsak er til alt vaart Strit.