Daa eg var liten, eg fekk ei Geit. ‒
‒ Mitt Rygte vil kje eg skôna:
Eg jamt og samt upp i Budi smeit
og stal aat digre Barselköna.
Um Kvelden var det no min sidste Sukk:
Aa, Herre Gud, aa gje det vart ein Bukk!
Eg skulde faa
meg Bankbok daa
og dermed Kapital paa Renta.
Men fyrste Aaret ho kidjad vekk,
og andre Aaret vart det Kidla.
So tung um Hjartat og stur eg gjekk
og likte Jammerdalen idla.
Og ned eg la meg utan Bøn og Sukk,
var so forherda, at eg sa kje Mukk.
Det verte no
visst aldri so,
at eg fær Kapital paa Renta.
Og Gjeiti ligger paa Barselseng.
Tru no, eg rettele er verdig?
Mi Livsens Lukka paa Hekte heng. ‒
Jau, no var Bukken min ferdig!
No fekk eg Løn fyr baade Stuld og Sukk:
Han vart ein Røvar av ein Fagna-Bukk
so kaut og kjekk!
Eg Bankbok fekk
og dermed Kapital paa Renta.