“Kven er den fagre Kjempa,
han som i Flokken staar
staut som ein Soga-Konung
med Manken av sylvgraatt Haar?”
“Dette er Bjørnstjerne Bjørnson.
Mor hans ho heiter Norge.
Framfor dei andre Baan
elskar ho denne Kulten,
han er hennar gjævaste Sôn.
Etter vaar Henrik var daaen,
dovna vaar Friskleik av.
Kom han igjen med Bjørnson
‒ ein Storm fraa det salte Hav!
Fer han som Tor yver Landet,
Skodda han kløyver og riv,
Eldingar slær, og det torar,
og Uveret fraa han driv.
Skodar hans Falke-Augo
kvasst, der i Storm han fer.
Ofta i Hønsegarden
ned som eit Lyn han slær.
Finst her i heile Folket
knappast ein Drôpe Blod,
som ikkje denne Mannen
kveikte til Harm elder Mod.
Stødt, naar han er or Landet,
hev det sin Kvardags Lit;
for han hev tolv Manns Styrke,
og han hev ti Manns Vit.
Bôren so er han til Hovding ‒
Hovding i Hug, i Ord.
Leve Bjørnstjerne Bjørnson,
Diktarkongen i Nord ‒
Bjørnstjerne Bjørnson til Norge!”