Marcolphus solt' unlängst begräbniß-verse schreiben.
Weil er nun gerne wolt’ ein guter tichter seyn,
Und starcke träncke sonst geschickte reime treiben;
Erkaufft er sich zuvor ein maas zwey-groschen-wein.
Denn wolt’ er noch darauf zur tichter queck-brunn hincken;
Allein er war berauscht, drum fehlt er in dem trincken,
Und traff ich weiß nicht was vor eine mist-pfütz an;
Was wunder, wann er nun, wie frösche, fingen kan?