Stemme: Van den Cxxxj. Psalm.
Ghy volckeren des aerdtrijckx al
Singht den Heere met bly gheschal,
End’ dient hem met herten verheught,
Verschijnt voor sijn aenschijn met vreucht.
2. Bekent dat hy een Heere zy,
Die ons sonder ons toe doen vry
Ghemaeckt heeft ende verworven sijn,
Tot Schaepkens goed der weyden fijn.
3. Wilt tot sijnen Tempel ingaen,
Doet van lof end’ danck oock vermaen:
In sijn schoone voor-hoven soet,
End’ prijst daer sijnen name goet:
4. Want vol van goetheyt is de Heer,
Sijn ghenade duyrt immermeer:
Sijn Godtlijck woort end’ sijn waerheyt
Blijven tot in der eeuwigheyt.