Een Kindeken is ons gheboren, In Bethleem, Des hadde Herodes thoren, Dat scheen aen hem. Drie Coninghen wtuercoren Quamen te Ierusalem Sy vraechden waer hy was gheboren Die Coninck der Ioden strem. Wy saghen in Orienten die sterre fijn, Wy comen hem aenbidden fijn Dat kindekijn. Een Kindeken Doen Herodes dat vernam Dat t’kindt gheboren was, Wert hy toornich ende gram Ende ontsach hem das Dat hy verliesen souwe Sijn Rijck was groot Te brenghen en met rouwe Dat Kindeken ter doot. Een Kindeken. Hy vraechden met haestichede Waer dat Kint gheboren was Te Bethleem in die stede Soo was datmen daer las Daer is hy gheboren die Heere groot Verlosser inden noot Vander eeuwigher doot. Herodes sprack tot den Vroeden Gaet henen ende soeckt dat Kindt Met alsoo grooten hoeden Tot dat ghy hem vindt Bouen alle, Coninghen macht Soo is hy fijn Men seyt hy sal besitten met cracht, Dat Rijcke mijn. Een Kindeken. Als ghy dit Kint hebt vonden,
Soo keeret weder tot my In alsoo corten stonden Ende segt my waer dat zy Ick soudet gaerne aenbeden Dat cleyn Kindekijn Die heeft soo zeer doorsneden Dat herte mijn. Een Kindeken. Maer als die Coninghen quamen Buyten Ierusalem Met vreuchden sy vernamen Die Sterre staen voor hem Al tot dat sy vonden dat Kindekijn In doecken ghewonden fijn Bijder Moeder zijn. Een Kindeken. Drie Coninghen aenbaden Dat Kint niet seer oudt Sy offerden wel beraden Myrre, wieroock ende gout Dat deden zy daeromme Dat haer scheen grooten noot Sy laghent al omme, ende omme Van hauen bloot. Een Kindeken. Des nachts als zy slapen wouden, Quam die Enghel Godts tot hem Dat zy niet keeren en souden Al ouer Ierusalem Nae eenen anderen weghe Soo sijn zy ghekeert Tot in hun Rijck ter deghe Alsmen ons leert. Een Kindeken. Wy bidden nv en singhen Dat Iesus is bekant Dat hy ons wille brenghen In sijns Vaders Landt
Daer hem die Enghelen eeren Tot alder tijdt Dat gonne ons Godt den Heere ghebenedijt. Een Kindeken.
Cookies on Poetry Cove