Ob zwar ewr eigen lob hier gar nicht ist zu schawen
So nembt doch von mir an was dieser feder pflicht
Vnd meine Pieris hat andern auffgericht
Die jhr nur vbertrefft O Crone der Jungfrawen
Die schrancken sindt zu klein; dem heiligen vertrawen
Der Demut der vernunfft der hellen Tugendt licht
Dem keusch vnd sitsamb seyn dem him̃lischen gesicht
Kan in so kurtzer schrifft ich kein Altgr auff bawen.
Vnd fing ich dennoch an wo bliebe der verstandt
Die jugend das geschlecht des hohen glückes pfandt
Der Mutter freundligkeit des
Vnd beider tewrer ruhm der gantz euch einverleibt
Vnd was noch mehr ein Geist wie frey er jmmer schreibt
Wie hoch er jmmer geht nicht recht hat preisen können.