Triumf der Tod ist todt Triumf! jhr Himmel-scharen
Trinmpf! die Hölle ligt! Mein König fähret auff!
Vnd führt gebunden schaw der Teuffel schwartzen hauff
Er lößt die auf die fest in Sünden ketten waren
Er bindet was vnß zwang vnd den vor so viel jahren
Das Paradyß versperr’t durch Mutter Evens kauff
Vnd Adams Biß holt eyn sein Blut vnd Lehr vnd
Tauff
Triumf der HERR fährt auff mit vielmal tausend paaren.
Jtzt sitzt Er vnd regirt an EOttes rechten Hand
Vnd tritt was sich vorhin in seinem Haß verband
Vor Jhm muß Himmel Erd vnd Höll vnd Todt sich neigẽ.
Doch bleibt Er auch bey vnß weil noch die Soñe wacht
Weil noch der Sternẽ glantz vmbgibt die schwartze Nacht
Biß Er der Erd jhr End’ vnß wird den Himmel zeigen.