Jhr glaubet warlich nicht wie schön' es sey zu sehen
Wenn jhr den krummen Hals noch dreymal krümmer
macht.
Vnd durch den weiten Mund so wunderlieblich lacht
Der sonst nichts kan denn nur frisch ligen vnd gut schmähen.
Euch dünckt der wisse nicht wie jhm doch sey geschehen:
Der zihe närrisch auff mit seiner newen Tracht
So hab euch jener nicht deß grusses wehrt geacht
Dem must jhr seine sprach vnd jedes wort bejähen
Dem mangelts an der Stirn vnd jener siht nicht recht
Vnd der ist gar zu schön vnd dieser gar zu schlecht
Der kan den Degen nicht recht an die Seite binden.
Habt jhr den Spiegel auch der dort hing ander wandt
Melanie wol je genommen in die Handt?
Ey liebe! schawt hinein da ist was guts zu finden.