Gleich als ein Wandersmann dafern die trübe Nacht
Mit dicker finsternuß Luft Erd vnd See verdecket
Betrübt jrr’t hin vnd her vnd mit viel furcht erschre-
cket
Nicht weiß wohin er geht noch was er läst vnd macht:
So eben ists mit mir doch wenn der Mond erwacht
Vnd seiner stralen kertz im Wolckenhauß’ anstecket:
Bald findt er weg’ vnd raht: so wird mein
Nun mich der newe trost auß ewrem brieff anlacht.
Doch warumb heist jhr mich diß schöne pfand verbrennen?
Wolt jhr in meiner nacht mich bey der glut' erkennen?
Diß meines hertzen few’r entdeckt ja wer ich sey:
Sol schönste diß papier nur meine brust berühren:
So wird es alsobald in aschen sich verlieren:
Wo von der flam’ es nicht wird durch mein weinen frey.