Nacht mehr denn lichte Nacht! Nacht lichter als der Tag
Nacht heller als die
Das Gott der licht in licht wohnhafftig jhm erkohren:
O Nacht die alle Nächt’ vnd Täge trotzen mag.
O frewdenreiche Nacht in welcher ach vnd klag
Vnd finsterniß vnd was sich auff die welt verschworen
Vnd furcht vnd höllen angst vnd schrecken ward verlohren
Der Himmel bricht! doch fält nuhmehr kein donnerschlag.
Der zeit vnd nächte schuff ist diese Nacht ankommen!
Vnd hat das recht der zeit vnd fleisch an sich genommen!
Vnd vnser fleisch vnd zeit der ewigkeit vermacht.
Der Jammer trübe nacht die schwartze nacht der Sünden
Des Grabes dunckelheit muß durch die nacht verschwinden.
Nacht lichter als der Tag; Nacht mehr denn lichte Nacht!