Der dicke Nebel bricht in welchen sich verhüllet
Der alles hebt vnd hält;
Der aller scharffe pein vnd herbe thränen stillet
Der Schöpffer dieser welt.
Er wendet sich vnd hört nach meinem wimmern.
Vnd bläßt mein erstarte Leichen mit ernewtem Leben an:
Daß ich der ich schon erstummet jhm mit jauchtzen dancken
kan
Ich spür’ vmb mich sein edle Wächter schimmern.
Versteckt mich in deß Abgrunds gründe;
Vnd wo ich kaum mich selber finde
Ja in mittelpunct der Erden.
Er wird mich auß dieser Tieffen auß der vners
Auß der Hellen hell’ erretten; mir sol aller grüffte grufft
Noch zum ehren Schawplatz werden.
Jagt mich wo die welt aufhört wie die kalten lüffte ringen:
Wo das heisse Landt verbrennt; GOt der wird mich wider
bringen.