Tsjuh! buh! feier Nordan-Kvitskjegg,
han hiver med myrke Vengjer.
Det yler og kvin yver nakne Hei,
det kvitnar um Aas og Engjer.
‒ Tsju ………………………..........
Tsju-hu-huh! feier Nordvest-Istroll’
det velter Skip og Stamnar.
Have rørest av djupe Grunn
og bryt paa femtan Famnar.
‒ Tsju ………………………...….
Tsjui-lu! seier Vestan-Havmann,
han kjem so vide av Sjø.
Lett leikar den Gut um brune Bakkar,
men lite so er han stø.
‒ Tsju …………………………......
Tsjui-lu! seier Vestan-Havmann,
han er so salt og vaat.
Han lokkar med Sol og Blaaning blide,
men helst det ender i Graat.
‒ Tsju …………………………….
Tsju ‒ su! seier Austan-Bergkall,
han er so kvass og klaar.
Han kjem fraa alle dei ljose Tindar
med Snøhatt um snøydde Haar.
‒ Tsju ……………………………..
Sulilu! seier Sunnan-Ljosalv,
han susar i Lauv og Lyng.
Blomar hev han i fløymde Haare
og blæs paa Fløyte og syng.
‒Tsju ……………………………..
Sulilu! seier Sunnan-Ljosalv;
daa er det godt aa gjæta.
Daa er det lognt under solvarm Stein;
daa vil mine Lam seg kjæta.
‒ Tsju …………………………..
Sulilu! aa du sæle Sumar,
med Sol i Bakke og Brôt.
Daa søv eg i Lyngen min beste Blund
og vaknar utan Graat.
‒ Tsju ………………………….