Stem: Sal ick noch langh met heete, &c. Laest als de Goden bancketeerden, En lurckten vanden Nectar soet,
So s'over disch juyst redeneerden Van 's menschen alderhoochste goet, D'een sprack't waer lust // d'ander 't is rust, D'een sprack't waer lust // doen sey den God Iupijn, Waer toe dit kibb'len? laet ons vrolijck zijn.
2 't Is hier een tyt van quinckeleren, Het aerstsche volck woort-twist, en kijft, Ick wens, en wilt ghy Hemel-heeren, Dat yeder juycht, en vreucht bedrijft, Viert mijn gheboon // o groote Goon, Viert mijn geboon // singht, springt, hippelt en lacht Dit was geseyt, gehoorsaemt, voorts volbracht.
3 De salen die als sonnen bloncken, Waren terstondts met vreughd vervult.
Als sy haer meugh hadden ghedroncken, En haer wel sat hadden ghesmult: Hier gingh den een, daer lach de geen, Hier gingh den een, daer Venus met haar pol, De nortsche Nydt steech uyt haer helsche hol.
4 Haar fel vergift heeft sy gheblasen Door den vergulden Hemel wijdt: De Goden buys raackten aen 't rasen, Aen 't wrocken, voort aen twist, aen strijdt, Want Pluto bits // Heeft met een krits, Want Pluto bits // heeft Cupido verleemt, Sijn Booch en Pylen hy hem al beneemt.
5 De Musen die met Phebo songhen En Pallas, met den Bloedt-God Mars,
Sijn al vermeestert en bespronghen, Van den drie-hoofden Cerb'rus bars: Men sloecht al doodt, 't was kleyn of groot, Men sloecht al doodt // de Moeder vande min Heeft weynich (of schier gants geen) leven in.
6 De Sulpher-Vorst die leert nu minnen, Met woorden van silver en gout. De deucht noch eer, noch ed'le sinnen Sijn niet geacht van iongh noch oudt: Is 't hoer, of dief // 't is even lief, Ist 't hoer, of dief // sijn sy versien van gheldt, Sy werden voor den vromen nu gestelt.
7 Daermen een Hemel plach te bouwen, Daer vestmen nu een droeve hel,
Dat doen sy die om 't ghelts wil trouwen, Een lompen loer, of leelijck vel, Dies maeckt de droes // de kop hun kroes, Dies maeckt de droes // selden tijdt sonder strijt, Daer d'ander als in't Paradijs verblijt.
Cookies on Poetry Cove