a. Vr.
Soude dan de mensche sig van sonden niet konnen onthouden?
Ant. Soo verre is 't daer van daen, dat dit de onherboorne mensche soude konnen doen, dat selfs de herboorne sonder struykelen niet konnen leven, Jer. 13.23. Sal ook een Moorman sijn huit veranderen, ofte een Luipaert sijne vlecken? Soo sult gy lieden ook konnen goet doen, die gewent zijt, quaet te doen, Jac. 3.2. Wy struikelen alle in velen, Matth. 7.18.