In süsem Jubilo
so singet vnd seit fro,
Vnsers herzen wonne
ligt inn der Kripp alldo
Vnd leuchtet als die Sonne
im schos der Mutter do,
Das A, Z vnd O,
der Erst vnd Letzt also.
O Jesu, zu vns näh,
nach dir war vns Lang we.
Tröst mir mein gemüte,
o Gnadrichs Knäblin, meh,
Nach aller deiner güte
o Fridfürst aus der Höh,
Zih mich nach dir meh,
das ich dich ewig seh.
O wie gros Lib ist das
des Vaters vber d mas:
Wir weren all verloren
durch vnser süntlichait,
So hastu vns erworben
die ewig Himlisch fräud:
O, wie gros Herlichait
hastu vns dort berait!
Wo ist solch Fräud vns nah?
nirgent meh dan da
Da die Engel singen
neu Gsang vnd Gloria
Von Himelischen dingen,
die vns dis Kind pringt nah.
Eia, wern wir da!
wer das begert sprech Ja.