Si non so' fore Crapa ciento miglia,
Ammore, io creo ca m' haie pigliato a scagno:
S' io dormo o veglio, s' io cammino o magno,
Pe tte st' affritto core se squaquiglia.
L' haie posta la capezza co la vriglia,
Lo iugo de dolore l' è compagno,
Lo faie squagliare comme a chiummo o stagno,
Che cchiù de no capillo s' assottiglia.
Tu vide ch' io so' conzomato e strutto
E faccio co lo nihil a l' allotta,
E cchiù d' uosso de pruno stongo asciutto.
Ma, oimé, ca tu respunne a chesta botta:
“Comme sì anchione si non saie sto mutto:
“Cecato è Ammore, e non ce vede gliotta !””