Che tu le tienghe mente, o bella Vasta,
Pregare non te pò sto core affritto:
Pecché si be' lo sguarde fitto fitto
Ne sgarre pe lo mmanco cchiù de n' asta.
Pe ontareme lo cuollo io manno a mitto
D' agniento de l' asceuza nfi' a na grasta,
Tanto me sboto, a stuorto ed a deritto,
Pe bede' dove sguarde. E non m' abbasta.
Si ad uno tiene mente a no pontone
Io creo che 'n facce me resguarde, o 'mpietto,
E faccio no sollenne sbarïone.
'Nzomma, de li vernacchie hai lo defietto:
Pecché fanno la mmira a lo tallone,
E po' vanno a lo naso a da' de pietto.