Quanno cchiù cerco de sbafa' sta sciamma,
Tanno Ammore me dà picco e repicco;
E s' io cantasse assaie cchiù che no' Micco
Manco arremollarria Cecca mia Sdamma.
Quanto cchiù canto, st' arma cchiù se 'nsciamma,
Tanto che chiagno po' cchiù peo de Cicco,
Che deventaie pe Laura sicco sicco,
E a stizza a stizza scolo, e a sdramma a sdramma.
Ma tu ch' assaie cchiù doce de cardille
Ssi gargariseme haie, belle, e li cante,
Remmolla Cecca mia co chiste o chille.
Sbozzo mio, bello, 'ncantala a ssi cante,
Mente hai 'ncantate co lo canto mille,
Ch ' io cantarraggio, po', de te li vante.