“Voglio canta' no poco a la marchetta
Pe scarreca' de doglia no cantàro;
Vienence, Tolla, co ssa mano netta
Vieneme apponta sto ianco collaro.
Su, viene, priesto, mente me preparo
Sto calascione 'mmiezo a la Chiazzetta.
O che te venga lo campisso ammaro!
Quanto vuoi che te chiamma e che t' aspetta ?”
Cossì, cantanno, Minaco diceva,
E Tolla, pe pigliarese delletto,
Da la cantina bello lo senteva.
Ascette e disse: “Comme sì cetrulo!
Che ne vuoi fa' de lo collaro nietto?
Si vuo' cantare pigliate st' arciulo !”