Cecca mia bella, prezïosa e cara,
Chi pò de te cantare le bellizze?
Pe laudare sse masche e chesse zizze
Besognarria che fosse l' Anguillara!
Li gieste, li squasille e le carizze
Tu l' haie a libra, a ròtola, a cantara:
E dove ss' uocchie cianciosielle 'mpizze
Sùbbeto se nce fa na zorfatara.
Vui c' avite d' ammore arcecantato,
Chi 'n Sorga, chi 'n Sciorenza o a Pascarola,
Chi Laura, e chi Viatrice ha nnommenato:
Laudate Cecca, o cigne, ch' io so' cola!
Addove sì tu mo, Iunno Cecato?
Torna, o Giovanne de la Carriola!