Devèntame sto cielabro na cònnola,
E 'mmèrtecase, e sbòtase pe làtora:
Devacano st' uocchiùzzole doi càtora
De lagreme, si penzoce o si 'nzònnola.
Me pizzeca, me ròseca, me sfónnola
Sta femmena, sta Furïa, sta Satora:
Né nfermase, né tènese mai satora,
Ma fuieme, e cchiù sfuieme de dònnola.
S' io àsciola, e de dicere procurole
Le sciaccole che m' ardeno lo stommaco,
Nasconnese, e non credeme s' io iurole.
Io a punïa, pe collera, me 'ntòmmaco
Sto fecate, ch' ammaccole e ammaturole,
E a l' utemo fi' a l' òssora po' vòmmeco.