Mente cantanno tu sbafe la sciamma,
Faie n' ancarella a tutte, e daie repicco
A chillo che cantaie l' arme de Micco
Ed ogne bella e vaiassesca Sdamma,
Chesso cantare cchiù li core 'nsciamma
Che de lo gran Poeto, lo Sio Cicco,
Che 'ncoronato fu de lauro sicco
E se scolaie pe Laura a sdramma a sdramma.
Tu de càrdole passe, e de cardille
Li passaggie docisseme e li cante,
Facenno 'mmidia granne a chiste e a chille.
Sgruttendio: quanno suone e quanno cante
Fai stare a canna aperta cchiù de mille,
E de fa' sorseta' Cecca t' avante!