Mo sì ca so' scolato e ghiuto a mitto,
E so' restato comme a pruno asciutto:
Mo ch' a bolere bene so' arredutto
Senza na maglia, 'nnammorato affritto.
Ammore ch' è fetente comme a grutto,
Ammore ch' è no tàmmaro e no guitto,
St' ammaro core tanto m' ha destrutto
Che pare iusto fecato zoffritto.
Vesogna che sto pinolo me gliotta,
E che la catarozzola me gratta,
Ca de pietate non ne trovo gliotta.
Io regnoleio pe Zeza comm' a gatta,
Ed essa me responne, po', de botta:
“Mo che si sfrìtto, da sta casa sfratta !”