Pe farene ietta' d' ogne fenesta
Ogne perzona che m' avesse visto
M' avea puoste li sfuorgie de la festa
E camminava bello pisto pisto.
Pe penna avea na coda de rapesta
E no collaro a foggia de canisto,
Chi me vedeva: “E che bellezza è chesta?
Diceva, e comme va bello provisto !”
Mente cammino senco no sternuto:
Io auzo l' uocchie, e Popa s' affacciava;
Sùbbeto le faciette no saluto.
Tanno (la poverella) essa spotava:
Me còuze la spotazza, e m' ha feruto.
Aiméne, e che sarria se vommecava?