Pareva Marte arraggiaticcio Mase,
Ca Penta 'n casa non ce aveva asciato:
Quann' essa venne, e dettele dui vase,
E lo vediette sùbbeto coitato.
Ogn' ommo ch' era llà restaie 'ncantato,
E lo bedeva, e non credealo quase:
Io me ne rise, e po' diciette a Mase:
“E de che stai, porchiacco, ammentecato?
Penta la Dea de la bellezza pare:
Si Mase è Marte de furore chino,
Chi lo pò, se no' Benere, accoitare?
Si be' non songo astrolaco o 'nnevino,
Canosco quanto pò Cetrigna fare
Si veo no Marte, mo, fatto Martino !”